Rejhan Bela, i dyshuari kryesor për vrasjen e rreshterit policor, Muhamet Lika ishte i njohur për organet e drejtësisë.
I riu, ishte i dënuar për veprën penale “dhunimi”.
Madje, Gjykata Themelore në Ferizaj ka konfirmuar për tëvë1 se ndaj tij ka pasur edhe urdhërarrest.
“I dyshuari i mitur për rastin në fjalë të veprës penale ‘Vrasja e rëndë’ për të cilën gjykata ka lëshuar komunikatë për media dhe ju ka njoftuar se gjyqtari i çështjes ka caktuar masën e paraburgimit në kohëzgjatje prej një (1) muaj, ka në procedurë të ekzekutimit të masës institucionale në kohëzgjatje prej dy (2) vite për veprën penale dhunimi nga neni 227 paragrafi 6 lidhur me paragrafin 1 të KPRK-së për të cilën ka të lëshuar urdhërrarrest”, thuhet nga Gjykata Themelore në Prishtinë.
E për moszbatimin e këtij urdhër-arresti tashmë kanë nisur hetimet.
“IPK ju konfirmon se tashmë ka filluar të ndërmarrë verime hetimore paraprake lidhur me çështjen e urdhër arrestit dhe veprimeve të policisë lidhur me zbatimin e kësaj urdhërese”, thuhet nga IPK.
Ish shefi i hetimeve në IPK, Jetullah Aliu, thotë se përgjegjësia për këtë bie mbi zyrtarët policorë për mosrealizimin e këtij urdhri.
Derisa nënkoloneli në pension Refki Morina, thotë se Policia është e obliguar ta zbatojë çdo urdhër te Gjykatës.
Përveç Belës, edhe gjashtë të dyshuarit për vrasjen e Likës tashmë janë dërguar në masën e paraburgimit prej 30 ditësh.
