Skuadra kampione aktuale, Oklahoma vazhdon të dominojë si në Konferencën e Perëndimit ashtu dhe në NBA. Këta në natën mes të martës dhe mërkurës me 126:102 e mposhtën Golden State. Alexander Shai me 28 pikë e 11 asistime mbetet lider te Oklahoma. Shai ishte mjaft i sakt në goditjet e tija ku qëlloi 9/9 nga loja dhe 3/3 nga goditjet për tri pikë. Tek Golden State me 13 pikë më i spikatur ishte Jonatan Kaming. Oklahoma, pas fitores së tretë rresht ka përpjesëtimin më të mirë në NBA, 11 fitore e 1 humbje, ndërsa Golden State tani është në përpjestimin 6:6.
Basketbollistët e Torontos e shënuan fitoren e pestë rresht në gjashtë ndeshjet e fundit. Këta jashtë fushe me 119-109 e mundën Brooklyn, sfidë ku të gjithë titullarët e ekipit kanadez realizuan mbi 10 pikë, me Ingram që pati 25 pikë. Tek skuadra e Brooklyn, që pësoi disfatën e 10-të në 11 ndeshjet e para me 21 pikë më I spikatur ishte Nik Klakston.
Në ndeshjet tjera – Fitoren më të thellë të ditës e korri Utah Jazz, që mposhti 152-128 Indiana. Zhgënjen sërish Boston, që u mund në fund 102-100 nga Philadelphia. Vendimtarë ishin pikët e Ubrea të shënuara në 8/7 sekonda para fundit të ndeshjes. Kampioni aktual i Lindjes, Indiana me 1 fitore 11 humbje ka barazuar rekordin negativ të sezonit 1988/89. Këta i mundi Juta me 152:128 duke i dhënë fund serisë prej 3 humbjeve resht.
