Kështu ka thënë një zyrtar ushtarak për CNN, duke shtuar se pala ruse janë më pak të përqendruar në rrethimin e qyteteve por më shumë në përpjekjet për të hyrë brenda.
“Ne po shohim një ndryshim në strategji nga pala ruse… Ata janë më pak të përqendruar në rrethimin e qyteteve, më të përqendruar në përpjekjet për të hyrë brenda. Bombardimet më të rënda janë një efekt anësor i atij ndryshimi”, ka thënë ai.
Përparimi i ngadalshëm i Rusisë dhe humbjet e rënda të pësuar në ditët e para të pushtimit të saj kanë detyruar ndryshimin, tha zyrtari, me forcat ruse tani të penguara nga çështjet logjistike ndërsa përpiqen të shtyjnë më tej në Ukrainë.
“Është i gjithë zinxhiri logjistik që në njëfarë mënyre nuk po funksionon siç duhet. Pra, ajo që kemi parë është një strategji vërtet e dobët, e kombinuar me përgatitjen e keqe dhe rënien e moralit. Ata nuk kanë ushqim, u mungon karburanti dhe gjithashtu pjesë këmbimi”, shtoi ai.
Ndërsa një rezistencë e vendosur ukrainase është kryesisht përgjegjëse për pengimin e përparimit rus, zyrtari i NATO-s paralajmëroi se situata në terren mund të ndryshojë me shpejtësi dhe se “pritjet” duhet të “menaxhohen”.
Ukrainasit do të lodhen ndërsa Rusia ka ende rezerva të reja, paralajmëroi zyrtari./teve1.info/
