Kjo është edhe njëra prej arsyeve që po e shtyn Kryeministrin Kurti të kërkoj anëtarësim sa më të shpejtë të Kosovës në strukturat e NATO-s.
Ramadan Qehaja, ekspert ushtarak dhe i çështjeve të sigurisë, vlerëson se është e domosdoshme rritja e prezencës së trupave të NATO-s në Kosovë, për shkak të këtyre zhvillimeve dramatike që po ndodhin në Lindje të Evropës.
Por në një përgjigje për TV1 zëdhënësi i NATO-s, Daniele Riggio, ka njoftuar se në këto momente NATO nuk po planifikon që të rrisë prezencën e saj ushtarake në Kosovë.
Ne mbetemi të përkushtuar ndaj angazhimit tonë në Kosovë, duke përfshirë Forcën e Kosovës (KFOR) të udhëhequr nga NATO dhe të mandatuar nga OKB-ja, e cila kontribuon për një mjedis të sigurt dhe për një stabilitet më të gjerë në Ballkanin Perëndimor. Fuqia aktuale e KFOR-it është mbi 3,700 trupa, të kontribuar nga 28 vende përfshirë aleatët dhe partnerët e NATO-s, dhe kështu mbetet edhe sot.
Megjithatë, sipas Profesorit në Universitetin Adger, Abit Hoxha konfliktet e papërfunduara mes shteteve të Ballkanit përbëjnë gjithnjë rrezik, prandaj duhet vëmendje më e madhe nga forcat trans-atlantike.
Spanja, Greqia, Sllovakia dhe Rumania, janë katër shtete anëtare të NATO-s që nuk e njohin Kosovën, dhe kështu e bëjnë më të vështirë anëtarësimin e shtetit më të ri në Evropë në këtë aleancë ushtarake.
