Zëdhënësja e NATO-s, Oana Lungescu, ka bërë të ditur se aleanca veriatlantike e mirëpret marrëveshjen e arritur në Ohër, në mes të kryeministrit të Kosovës, Albin Kurti dhe presidentit të Serbisë, Aleksandër Vuçiq.
Lungescu, ka thënë se të dyja palët duhet sa më shpejtë të zbatojnë atë që kanë rënë dakord, raporton teve1.info.
“Ne i shtyjmë të dyja palët që sa më shpejtë të zbatojnë atë që kanë rënë dakord, po ashtu kërkojmë që të ketë zbatim të plotë marrëveshja. Ne jemi të përkushtuar për stabilitetin në Ballkanin Perëndimor duke përfshirë edhe KFOR-in”, ka shkruar ajo në Twitter.
#NATO welcomes the deal by @predsednikrs & @albinkurti in #EU-facilitated dialogue on the path to normalise relations betw Belgrade & Pristina. We urge both to implement what’s been agreed quickly & in full. We are committed to stability in the W Balkans incl through @NATO_KFOR.
— Oana Lungescu (@NATOpress) March 19, 2023
Dje, gjatë takimit në Ohër, udhëheqësit e Kosovës dhe Serbisë me ndërmjetësuesit e BE-së, kanë arritur të pajtohen që të fillojnë zbatimin e Marrëveshjes për normalizimin e raporteve sa më shpejt që është e mundur. Kjo Marrëveshje ka përfunduar pa nënshkrim zyrtar nga të dyja palët.
