Në deklaratën e përbashkët të liderëve të NATO-s, thuhet se po marrin masa për të garantuar sigurinë dhe mbrojtjen e aleatëve “në të gjitha fushat dhe me një qasje 360 gradëshe”.
“Ne po rrisim qëndrueshmërinë e shoqërive tona dhe infrastrukturës sonë për të kundërshtuar ndikimin keqdashës të Rusisë”, thuhet në deklaratë, duke përfshirë edhe atë kundër sulmeve kibernetike.
ADVERTISEMENT
Udhëheqësit vlerësuan popullin e Ukrainës, të cilët thonë se kanë “frymëzuar botën me rezistencën heroike ndaj luftës brutale të Rusisë”.
Po ashtu, deklarata vazhdon duke i kërkuar presidentit rus Vladimir Putin që “të ndalojë menjëherë këtë luftë dhe të tërheqë forcat ushtarake nga Ukraina”. /teve1.info/
