Ylli i Kosovës, Edon Zhegrova pritet të jetë transferimi i parë te skuadra e Napolit për sezonin 2025/26.
Bëhet e ditur se është trajneri i Napolit, Antonio Conte, ai që po insiston në shërbimet e Zhegrovës, të cilin po e sheh si përforcim të duhur.
Madje, thuhet se Napoli tashmë ka ofruar 20 milionë euro për kartonin e Zhegrovës, i cili në fund të sezonit do të largohet nga skuadra e Lillet.
Ai ka kontratë me Lillen deri në vitin 2026 kurse ekipi francez për ta lënë të lirë Zhegrovën po kërkon të paktën 25 milionë euro.
Megjithatë, Napoli nuk do ta ketë aspak të lehtë transferimin e 25-vjeçarit këtë verë duke pasur parasysh se interesimi për Zhegrovën është shumë i madh.
Ai është pjesë e Lillet prej vitit 2022 kurse këtë sezon ka 8 gola e 2 asistime në 21 paraqitje në të gjitha garat.
Në fakt, Zhegrova këtë vikend do të rikthehet të luaj për Lillen pasi i mungoi prej muajit dhjetor shkaku i lëndimit.
