Napoli po kalon formë të lartë këtë edicion në Serie A dhe jo vetëm, pasi po bëjnë punë të jashtëzakonshme edhe në ligën e kampionëve.
Dyshja e sulmit Osimhen dhe Kvicha Kvaratskhelia kanë qenë në perfeksion, duke i prirë ligës, nigeriani në gola ndërsa ‘Kvara’ në asistime (10)
Victor Osimhen në 23 paraqitje ka arritur të shënojë 21 gola, teksa ka edhe 11 ndeshje deri në fund të sezonit.
Sulmuesi përveç titullit ka uri edhe për rekordin e Gonzalo Higuain, i cili kishte arritur të shënojë 35 gola në 36 ndeshje në sezonin 2015/16, pikërisht me skuadrën e Napolit.
Napolitanët po marshojnë drejt titullit kampion me 71 pikë pas 27 ndeshjeve, duke u shmangur +19 nga vendi i dytë Lazio.
