Kampioni i ri i Italisë, Napoli nuk e ka ndërmend të dorëzohet për transferimit e Edon Zhegrovës.
Mediumet italiane kanë raportuar të dielën se drejtuesit e ekipit Italian po insistojnë për shërbimet e sulmuesit të krahut, i cili pritet të largohet nga Lille këtë verë.
Në fakt, Napoli javën e shkuar kishte bërë ofertë për Zhegrovën por Lille e kishte refuzuar për shkak se e kishte konsideruar si tejet të ulët.
Napoli kishte ofruar 12 milionë euro kurse Lille po kërkon të paktën 20 milionë euro për futbollistin e Kombëtares së Kosovës, i cili ka kontratë me ekipin francez deri në verën e vitit të ardhshëm.
26-vjeçari ka gati gjashtë muaj që nuk ka luajtur me Lillen për shkak të lëndimit kurse këytë edicion ka shënuar 8 gola dhe ka bërë 2 asistime në 21 paraqitje në të gjitha garat.
