Ministrja e Arsimit, Arbërie Nagavci në Ditën Ndërkombëtare të mësuesit ka falënderuar të gjithë mësimdhënësit për punën dhe sakrificën e madhe në arsimimin e brezave të rinj.
Nagavci, përmes një postimi në Facebook ka thënë se roli i mësimdhënësve në procesin edukativo-arsimor është shumë i rëndësishëm për zhvillimin e përgjithshëm të shoqërisë.
Ajo, ka shkruar se prioritet i Qeverisë është të përmirësojmë cilësinë në arsim, duke rregulluar infrastrukturën ligjore dhe fizike.
“Puna me nxënës është përgjegjësi dhe jam e vetëdijshme që ky angazhim kërkon shumë energji e vullnet nga të gjithë. Si ministri jemi duke punuar shumë në rregullimin e sektorit të arsimit, të cilin e kemi gjetur me shumë mangësi në të gjitha hallkat e funksionimit. Prioriteti ynë është të përmirësojmë cilësinë në arsim, duke rregulluar infrastrukturën ligjore dhe fizike. Mësimdhënia cilësore duhet të jetë mbi të gjitha preokupimi ynë i përbashkët dhe përgjegjësia ndaj fëmijëve, qytetarëve e vendit. Me punë e angazhim të përbashkët jam e sigurt se do të ja dalim”, ka shkruar Nagavci.
