Nagavci përmes një njoftimi në Facebook, tha se vendosja e marrëdhënieve diplomatike dhe lidhjet historike mes shqiptarëve dhe hebrenjve i inkurajojnë institucionet që të forcojnë bashkëpunimin, posaqërisht në fushën e edukimit dhe të arsimit.
“Qeveria e Kosovës e ka vënë në prioritetet e saj gjithëpërfshirjen dhe cilësinë në arsim dhe po punojmë për jetësimin e planeve tona. Por, partnerët zhvillimorë dhe bashkëpunimi me shtete të zhvilluara si Izraeli, janë të një rëndësie të veçantë”, shkroi Nagavci.
Nagavci shtoi se me ambasadoren Ziv, ndanë mendimin e përbashkët për thellimin e bashkëpunimit në arsim, duke i dhënë jetë më shumë miqësisë së vjetër mes dy popujve.
