Ministrja e Arsimit, Shkencës, Teknologjisë dhe Inovacionit, Arbërie Nagavci, bashkë me zëvendësministrin e Arsimit, Taulant Kelmendi dhe drejtorë të departamenteve të MAShTI-t, diskutuan me drejtorët e Drejtorive Komunale të Arsimit për përgatitjet e fillimit të vitit të ri shkollor 2023/24.
Gjatë këtij takimi ministrja Nagavci ka thënë se deri tani janë pranuar rreth 80 mijë aplikime për rimbursim për blerjen e teksteve shkollore.
“Ministrja i njoftoi drejtorët Komunalë të Arsimit se prindërve që tashmë kanë aplikuar për tekste dhe materiale, mjetet pritet t’iu deponohen në llogari para datës 1 shtator”, ka shkruar Nagavci.
Lidhur me pengesat gjatë aplikimit online për fëmijët që mbushin 6 vjeç pas 1 shtatorit, ministrja tha se këto dhe të tjera ankesa po trajtohen me seriozitet dhe përkushtim nga ekipet mobile.
“Ajo thekoi se komunat tashmë janë informuar që shkollat mund të bëjnë përzgjedhjen e titujve të teksteve, të cilat mësuesit duhet t’i ndajnë me prindërit para fillimit të procesit mësimor”, thuhet tutje në njoftim.
