Nagavci përmes një postimi në Facebook, ka akuzuar qeveritë e kaluara se Kontrata Kolektive është nënshkruar për efekte elektorale e cila asnjëherë nuk ka qenë e planifikuar me buxhet.
Ajo ka akuzuar SBASHK-un se është bërë pjesë e këtyre kalkulimeve elektorale.
“Nga Ministria e Financave jemi njoftuar zyrtarisht që: Sipas legjislacionit në fuqi, për çfarëdo nisme të re qeveritare duhet të bëhet vlerësimi i ndikimit buxhetor dhe duhet të lëshohet një opinion i pavarur. Departamenti i buxhetit si njësi përgjegjëse për të pranuar kërkesat për vlerësim të ndikimit buxhetor, nuk ka pranuar asnjë kërkesë për të dhënë opinion për vlerësimin e ndikimit buxhetor në lidhje me Kontratën Kolektive në arsim, pra nuk ka pasur ndonjë planifikim buxhetor për gjithë kontratën kolektive. Kjo tregon se qëllimi i vërtetë i qeverisjeve të kaluara nuk ka qenë zbatimi i kontratave kolektive, por kalkulimet elektorale, pjesë e të cilave është bërë edhe udhëheqja e SBASHK-ut. Pavarësisht zotimeve në kohë fushate, mesimdhenesit çdo herë janë detyruar të shkojnë në gjykata për t’i marrë pagat përcjellëse”, ka shkruar Nagavci ndër të tjera.
Përveç MASHTI-it, mbi 26 komuna kanë dorëzuar padi edhe ndaj Ministrisë së Shëndetësisë. Komunat kanë thënë se dëmi që u është shkaktuar kalon mbi 35 milionë euro./teve1.info/
