Ministrja e Arsimit, Arbërie Nagavc , në debatin parlamentar për tekstet shkollore ka thënë se në ta kaluarën janë dhënë para kesh për zyrtarë në emër të transportimit të teksteve shkollore.
Ajo ka thënë se raste të tilla ka pasur shumë.
Duke ju përgjigjur kritikave të Enver Hoxhaj, i cili tha se Qeveria nuk ka vizion për çështjen e arsimit, duke shtuar se subvencionet ngjasojnë me bonot, Nagavci tha se tash nuk ka tekstet shkollore me shumë gabime e paragjykime si në kohën kur Hoxhaj ishte ministër i Arsimit.
“Nuk ka më në qeverisjen tonë tekste si në kohën tuaj. Tekste ku personave me Sindroma Doën, ju referohen idiot, tekste ku familjes pa një prind i referohen si familje e çrregullt që është e prirë të dështojë, tekste ku muzika rok është degjenerim, tekste me plot gabime e paragjykime”, ka thënë Nagavci, përcjell teve1.info
Ajo ka thënë se tash fokusi i debatit do të jetë në cilësinë e librave.
Ndërsa, Hoxhja i cili më herët u shpreh se “nuk e di cili kolegë i imi u ka vendos notë kaluese sepse ju nuk e meritoni më shumë se një notë nën 6”, tha se nga respekti i jep notën 7 Nagavcit.
Ai tha se ministren aktuale nuk e merr seriozisht dhe se me largimin e ish-zëvendësministrit Dukagjin Pupovci kjo ministri ka “mbetur pa busull”.
Ai tha se sa i përket kurrikulës që ka përmendur ministrja “për ta është fizikë bërthamore dhe s’merr vesh.
