Ish-ministrja e Arsimit, Arbërie Nagavci në përmbylljen e saj të mandatit si ministre e MAShT-it ka falënderuar ekipin bashkëpunues të saj gjatë këtyre pesë viteve shërbim.
Nagavci ka thënë se gjatë këtyre pesë viteve ka pasur sfida dhe vendime siç tha ajo, të rëndësishme duke punuar pa u ndal për ta çuar përpara arsimin.
Ajo tutje u shpreh se çdo sukses ka mbajtur vulën e punës së përbashkët.
“Së bashku kemi përballuar sfida, kemi marrë vendime të rëndësishme dhe kemi punuar pa u ndalur për ta çuar përpara arsimin, shkencën, teknologjinë dhe inovacionin në vendin tonë. Çdo arritje mban vulën e punës sonë të përbashkët, të përkushtimit dhe të besimit që kemi ndërtuar ndër vite.Faleminderit për besimin, përkushtimin dhe punën e palodhur. Rrugëtimi ynë nuk përfundon këtu ai vazhdon me përvojën, arritjet dhe vlerat që kemi ndërtuar së bashku”, ka shkruar Nagavci./teve1.info/
