Me intonimin e himnit kombëtar dhe atij shtetëror filloi e gjithë ceremonia.
Një numër i madh hoxhallarësh, intelektualë e personalitete nga jeta politike e akademike morën pjesë në promovimin e katër veprave të myftiut Naim Tërnava.
Një fjalë rasti e mbajti kreu i Bashkësisë Fetare Islame të Maqedonisë së Veriut, Shaqir Fetahu, i cili e vlerësoi kontributin e myftiut Tërnava për komb dhe fe.
E këto vepra i vlerësoi edhe një nga aktivistët dhe misionarët shqiptar më të mëdhenj dhe të spikatur të fesë islame në mërgim, Burhan Filli.
Në fund të kësaj ceremonie, fjalën e mori edhe autori i këtyre veprave, i cili u shpreh që është krenar që i përket kombit shqiptar.
Për librat: “Besimi Islam, 1-2 (shtyllat dhe veçoritë), “Shkenca e Imul Kelamit (parimet bazë), dhe “Ligjërime për fenë dhe atdheun-3”, folën edhe bashkëpunëtorët e tij: Sabri Bajgora- drejtor i institutit për Hulumtime dhe Studime Islame, Faredin Ebibi- profesor në Fakultetin e Shkencave Islame në Shkup dhe Bahri Hoxha- profesor në Fakultetin e Studimeve Islame në Prishtinë.
Kronikë e realizuar nga gazetarja, Rinesa Osmani.
