Muzeu i Luvrit në Paris , muzeu më i vizituar në botë, është mbyllur papritur për një ditë, pasi ministri francez i kulturës tha se kishte ndodhur një grabitje, raporton Guardian.
“Një grabitje ndodhi këtë mëngjes në hapjen e Muzeut të Luvrit”, shkroi Rachida Dati në rrjetet sociale.
Ajo shtoi: “Nuk raportohet për të lënduar. Jam në vendngjarje me stafin e muzeut dhe policinë.”
Të paktën një person kishte hyrë në muze, tha një anëtare e ekipit të saj për Agence France-Presse, pa shtuar asgjë në lidhje me ndonjë vjedhje të mundshme.
Muzeu i Luvrit tha se po mbyllej për sot “për arsye të jashtëzakonshme”, pa dhënë detaje të mëtejshme mbi atë që ishte vjedhur.
