Një termet prej 4.7 ballësh ka lëkundur Shqipërinë mbrëmjen e së dielës, ndërsa lidhur me këtë tërmet, i ftuar në emisionin “Ditari” në Tëvë1, Mustafa thotë se ekziston rreziku që Shqipëria të goditet nga tërmete më të fuqishme në të ardhmen.
“Territori i Shqipërisë, është një zonë e cila është goditur në të kaluarën, goditet dhe në të ardhmen mund të goditet me tërmete edhe më të fuqishme sesa që ka ndodhur ky tërmet”, tha ai.
Tutje, Mustafa foli për hartat e rrezikut sizmik sipas të cilave thotë se mund të dihet për çdo zonë se çfarë tërmeti mund të goditet në një periudhë përsëritëse.
“Janë disa elemente që faktikisht përpilohen hartat e rrezikut sizmik dhe sipas këtyre hartave të rrezikut sizmik jep se për çdo zonë se çfarë tërmeti mund të goditet në një periudhë përsëritëse, 95 vite, 475 vite, 975 vite dhe kjo është një faktor shumë më rëndësi për ndërtuesit që duhet të ndërtohet sipas kritereve”, shtoi ai.
Sipas Mustafës deri më sot nuk ka ndonjë teknologji që paralajmëron se kur do të goditet nga tërmeti, çfarë madhësie është dhe në cilin lokacion, por e vetmja mënyrë sipas tij është që të krijohen hartat e rrezikut sizmik duke përshkruan mënyrën më të mirë të mundshme për çdo zonë se çfarë tërmeti i pritshëm mundet me qenë në atë zonë në periudhë përsëritëse./Teve1.info/
