Mustafa thotë se rritja ekonomike pritet të bie drastikisht këtë vit në vetëm 3.1$ në mungesë të investimeve kapitale, veçanërisht nga Qeveria.
“Rritja ekonomike pritet të bie drastikisht sivjet në vetëm 3,1$ në mungesë të investimeve kapitale, veçanërisht nga Qeveria e cila çuditërisht mban 800 milionë euro në bankë, pa i shfrytëzuar, pa i investuar. Në anën tjetër, deri në korrik të këtij viti, importet e mallrave u rritën për 26%”, ka shkuar ai në një postim në Facebook.
Po ashtu, Mustafa ka deklaruar se paaftësia e Qeverisë për t’u dalë ballë sfidave ekonomike në Kosovë, është ajo që po bie rëndë mbi qytetarët dhe familjet e tyre.
Sipas tij, Qeveria duhet urgjentisht të gjejë zgjidhje.
“Përderisa kriza ka fillet tek periudha gjatë dhe pas pandemisë COVID-19 dhe tek lufta në Ukrainë, paaftësia për t’u dalë ballë sfidave ekonomike në Kosovë është ajo që fatkeqësisht po bie rëndë mbi qytetarët dhe familjet e tyre. Qeveria duhet urgjentisht të gjejë zgjidhje. Tanimë LDK i ka ofruar 10 pikë për tejkalimin e krizës energjitike si dhe propozime konkrete për zbutjen e çmimeve të ushqimit dhe derivateve”, tha Mustafa, teksa shton se “është koha të veprojnë, kanë gati 2 vite në Qeveri”. /teve1.info/
