Ish-kryeministri i Kosovës, Isa Mustafa ka kritikuar anëtarët e Qeverisë në detyrë të cilët po bajnë edhe pozita në ekzekutiv duke qenë të zgjedhur edhe deputet.
Ai ka thënë se Qeveria në detyrë nuk duhet që me veprime antikushtetuese të qëndrojë në pushtet.
Mustafa në një postim në Facebook ka thënë se këtë e ka thënë edhe Gjykata Supreme.
Ish-kryeministri ka kujtuar që në vitin 2017 kishte liruar nga detyra një zëvendëskryeministër dhe 8 ministra të cilët kishin fituar mandatin e deputetit.
“Qeveria në detyrë nuk duhet ti lejojë vetes veprim antikushtetues dhe të qëndrojë në pushtet në shkelje të ligjit. Sidoqoftë brishtësia e fuqisë pushtetore provohet më së miri kur të biesh nga pushteti. Atëherë jo vetëm se do duhej dhënë përgjegjësi për veprime jo legale dhe jo legjitime por edhe të pret përgjegjësia individuale para ligjit për pasojat e krijuara nga mospërfillja e gjyqësorit”, ka shkruar ndër të tjera Mustafa.
