Deputeti i LDK-së, Besian Mustafa është deklaruar pas dështimit të 35-të për konstituimin e Kuvendit të Kosovës.
Ai tha se përgjegjësia e plotë bie mbi Lëvizjen Vetëvendosje.
“Sot pamë edhe një herë një tentim për të zgjedhur kryetarin e Kuvendit dhe për të konstituuar Kuvendin e për të vazhduar pastaj për konstituimin e qeverisë dhe organeve të tjera shtetërore. Fatkeqësisht, Kuvendi edhe kësaj radhe, ose partia që ka shumicën në ulëset e Kuvendit nuk arriti që të krijojë një shumicë për të konstituuar Kuvendin”, u shpreh Mustafa.
Tutje, ai u shpreh se qeveria e kaluar e udhëhequr nga LVV ka izoluar në rrafshin ndërkombëtar Kosovën dhe ka shkëput të gjitha marrëdhëniet e shkëlqyera me BE-ne dhe Amerikën.
“Qeveria e kaluar e udhëhequr nga LVV ka izoluar në rrafshin ndërkombëtar Kosovën dhe ka shkëputur të gjitha marrëdhëniet e shkëlqyeshme që kemi ndërtuar ne ndër vite me gjithë partnerët tanë ndërkombëtar qoftë BE-në, Amerikën dhe anë e banë botës dhe shkëputja e këtyre marrëdhënieve, shkatërrimi i këtyre marrëdhënieve të shkëlqyeshme është kryekëput nga veprimet dhe moskoordinimet e panevojshme nga qeveria e udhëhequr nga LVV-ja”, ka shtuar ai tutje./teve1.info/
