Zëdhënësi i Lidhjes Demokratike të Kosovës, Besian Mustafa, ka thënë se sipas exit pollit të tyre kanë marrë 24 për qind, shifër që u shpreh se do të rritet pas numërimit të votave të diasporës.
Mustafa u shpreh i bindur se Lumir Abdixhiku do të jetë kryeministri i ardhshëm.
“Të dhënat preliminare që na vijnë nga komisionerët tanë tregojnë që ato po përkojnë me të dhënat që i kemi publikuar nga nxit-polli i LDK-së. Exit-polli më i madh që është realizuar ndonjëherë në Kosovë me 18 mijë korrespondentë që rezulton se VV ka 34%, LDK-ja 24%, PDK-ja 22%. LDK-ja ka së paku dyfishim nga rezultati i zgjedhjeve të kaluara, pa llogaritu këtu edhe votat që do të vijnë nga diaspora”, tha Mustafa në konferencë për media./teve1.info/
