Ai tha se e ka të pamundur të përgjigjet në pyetjen se a është e mjaftueshme paga prej 250 eurove, sepse sipas tij, për këto çështje duhet të ketë kooridnim me Këshillin Socio Ekonomik.
“Pikërisht këtu qëndron problemi pra te Këshilli i cili ekziston për të koordinuar, për të arritur një konsensus në mes të gjitha palëve të interesit duke përfshirë këtu Qeverinë e Kosovës, përfaqësuesit e bizneseve dhe sindikatat. Prandaj edhe ekziston kjo platformë, ky forum ku të gjitha këto opsione diskutohen dhe votohen dhe arrihet një konsensus”, tha Mustafa.
I pyetur nëse LDK është pro idesë që paga prej 250 eurove të mos tatimohet, ai tha se Lidhja Demokratike e Kosovës ka qenë gjithmonë kundër rritjes së tatimeve.
“LDK ka qenë gjithmonë kundër rritjes së tatimeve, dhe jam i bindur se një gjë e tillë do të reflektohej edhe sikur të vinte në Kuvend për t’u votuar LDK do të votonte kundër rritjes së normave të tatimeve. Si parti e qendrës së djathtë gjthmonë jemi përkrahës të idesë së ekonomisë së lirë ku sektori privat zhvillon ekonominë dhe jo sektori publik sepse sektori privat me këtë rëndesë e ka të pamundur”, ka shtuar Mustafa.
Tutje ai tha se si LDK në parim janë për tatime më të ulëta. /teve1.info/.
