Kosova pësoi rënie për 24 vende në indeksin e lirisë së mediave të publikuar nga organizata ndërkombëtare “Reporterët pa Kufij”.
Për këtë ka reaguar, ish-kryeministri i Kosovës, Isa Mustafa.
Mustafa nga ky indeks e ka cilësuar shqetësuese gjendjen aktuale dhe e ka akuzuar Qeverinë Kurti për përgjegjësi direkte.
“Qeveria aktuale në detyrë, dorën në zemër, nuk do të vinte në pushtet pa përkrahjen dhe lobimin e shumë mediave, herë herë jashtë çdo kriteri etik dhe profesional”, ka shkruar Mustafa në Facebook.
Ai tha se qytetarët nuk votuan për rezultatet, por për perceptimin që ua krijuan mediat.
Mustafa ka shkruar edhe për ndryshimet e sjelljes mediatike në prag të zgjedhjeve të 9 shkurtit, duke thënë se disa media përkrahën subjektet opozitare, jo për shkak se i kanë dashur, por nga frika ndaj, siç e quajti ai, “regjimit autoritar të VV-së”.
