Musliu-Shoshi në emisionin “Ditari” në Tëvë1, tha se Qeveria po i shfrytëzon deputetët e saj vetëm për votë. Sipas saj, përveç Haki Abazit ka edhe deputetë tjerë të zhgënjyer të partisë në pushtet.
“Abazi është vetëm njëri ndër deputetët që është më guximtar dhe del e thotë atë se çfarë është duke ndodhur në partinë e tyre. Mirëpo ka edhe shumë deputetë të tjerë që janë mjaftë të zhgënjyer dhe të frustruar sepse nuk kanë informatë se çfarë po ndodh. Kjo qeveri i shfrytëzon vetëm për votë dhe asnjëherë nuk është se kanë informatë të plotë se çfarë vendimi është duke marrë nga Qeveria”, ka theksuar ajo.
Ajo thotë se ka deputetë të tjerë të LVV-së që e shprehin pakënaqësinë e tyre me votë brenda Kuvendit.
“Ka edhe disa të tjerë që i kanë thënë publikisht, por edhe ka tjerë që e shprehin me votën e tyre brenda Kuvendit. Vlerësoj se është një qeveri jotransparente me Kuvendin dhe deputetët”, ka thënë Musliu-Shoshi. /Teve1.info/