Deputetja e Partisë Demokratike të Kosovës, Ariana Musliu-Shoshi, gjatë seancës së sotme në Kuvendin e Kosovës ka lëshuar një incizim, ku dëgjohet një fjalim i kryeministrit të Kosovës, Albin Kurti, që kishte folur kohë më parë për dialogun me Serbinë.
Në atë fjalim, Kurti dëgjohet duke përmendur kushtet që ai i kishte vendosur për t’iu kthyer dialogut.
Gjithashtu, dëgjohet një fjalim i vitit 2011 për “Zajednicën”.
Lidhur me këto deklarata, Musliu-Shoshi, ka thënë se këtë po e bënë në mënyrë që t’ia kujtojë Kurtit se ku ishte dhe ku është sot.
“Nuk e di a e njohe veten, a e njohe këtë zë? Por, po, këto ishin fjalët e tua, të cilat këtij populli ia kanë humbur plot 10 vjet. Ia kanë humbur shpresën për me jetu në këtë vend, sepse e deshe më shumë pushtetin se shtetin. E për pushtet i ke dhënë të gjitha. Mirë që ke ndryshuar dhe ke kuptuar që nuk ke qare pa i implementuar obligimet ndërkombëtare”, tha ajo./teve1.info/
