Futbollisti i Kombëtares së Kosovës, Florent Muslija mund të ndërroj ekip gjatë këtij muaji por jo edhe kampionat.
Gjasat janë të mëdha që Muslija të largohet nga Freiburgu për t’iu bashkuar skuadrës së Bochumit, që ka shprehur interesim për shërbimet e tij.
Në fakt, Muslija do të huazohet për gjashtë muaj te Bochumi dhe ta ndihmoj për ta siguruar qëndrimin në Bundesligë edhe për sezonin e ardhshëm.
Bochumi është i parafundit në kampionatin gjerman, ndërsa Muslija këtë sezon ka nëntë paraqitje me fanellën e Freiburgut.
26-vjeçari në fillim të vitit të shkuar iu bashkua Freiburgut nga Paderborni dhe ka kontratë deri në vitin 2028.
