Reprezentuesi i Kosovës, Florent Muslija do të largohet nga skuadra e Freiburgut me të përfunduar sezoni aktual.
Mësohet se Muslija ka kërkuar largimin nga Freiburgu dhe ekipi nga Bundesligës është i gatshëm për ta shitur, pasi mesfushori nuk bën pjesë në planet e klubit për të ardhmen.
Muslija ka kontratë me Freiburgun deri në vitin 2028, ndërsa paraqitjen e fundit për këtë skuadër e ka në dhjetor të vitit të shkuar.
Në total, 26-vjeçari ka 11 ndeshje të luajtura këtë sezon për Freiburgun, ekip të cilit iu bashkua në janar të vitit 2024 nga Paderborni.
Thuhet se interesim për mesfushorin “dardan” tashmë kanë shprehur disa skuadra të Bundesligës gjermane, por emri i tyre nuk është bërë i ditur.
Në fund të fundit, një gjë është e sigurt, Muslija nuk do të jetë pjesë e Freiburgut pas përfundimit të këtij sezoni.
