Kjo deklaratë e Kusari-Lilës ka ardhur si pasojë e protestës së veteranëve të UÇK-së para Kuvendit të Kosovës.
“E drejta për të protestuar është e drejt demokratike dhe legjitime. Pakënaqësitë ndër vite po e gjejnë hapësirën tash për t’u shfaqur përkundër gjithë angazhimit të Qeverisë. Secili veteran që ka luftuar dhe përpiqet për vendin e vet nuk e dëmton vendin e as ndërtesën e Kuvendit, e as t’i shkaktoj dëm dikujt tjetër. Ne jemi njerëz dhe me dialog do të arrijmë të zgjidhja”, ka deklaruar Kusari-Lila.
E në lidhje më këtë, Avdyl Mushkolaj nga OVL e UÇK-së, ka thënë se veteranët nuk kanë luftuar për të dëmtuar Kosovën.
Mushkolaj thotë se veteranët e luftës nuk janë për të dëmtuar vendin sepse siç u shpreh ai për këtë kanë derdhur gjak e mund.
“Ne nuk jemi për të dëmtuar as nuk kanë luftuar për të dëmtuar Kosovën përkundrazi kemi luftuar për të pasur një shtet ligjor, për të pasur institucione të pavarura sepse kjo na ka munguar dhe për këtë kemi luftuar. Ne më së paku, ne veteranët e luftës nuk jemi për të dëmtuar këtë vend për të cilin kemi derdhur gjak e mund. Nëse njerëzit mendojnë ndryshe ata e kanë shumë gabim”, ka deklaruar ai në emisionin “Info Nata” në Tëvë1.
Sipas tij, deklaratat e tilla për veteranët e luftës janë shumë të liga për ata që i thonë.
“Veteranët e luftës nuk janë për ta dëmtuar as parlamentin as shtetin përkundrazi janë për të ndërtuar shtet dhe unë mendojë se deklaratat e tilla për të dëmtuar shtetin për veteranët e luftës është shumë e lig ata që e thonë. Ne jemi për të forcuar shtetin e për të çuar përpara sepse edhe për të kemi luftuar”, tha ai. /teve1.info/
