Avokati, Skender Musa ka thënë që fillimi i procesit gjyqësor ndaj ish-drejtorit politik të UÇK-së, Hashim Thaçit dhe të tjerëve në Gjykatën Speciale nuk ofroi ndonjë dëshmitarë okularë.
Sipas tij dëshmitarët rrethanorë nuk janë të rëndësishëm në këto raste pasi akuzat duhet të mbështeten në videoincizime e fotografi për të qenë bindëse.
“Në aspektin juridiko-penal nuk kam pa ndonjë provë që është e pathyeshme…Sa i përket dëshmitarëve ne e dimë që janë lajmëru një numër i konsiderueshëm i dëshmitarëve, por sa i përket dëshmitarëve okularë është një numër i vogël, ndërkaq dëshmitarë rrethanorë që transmetojnë se çfarë kanë dëgjuar nga njerëz të tjerë ata nuk janë të rëndësishëm pa u mbështetur në ndonjë provë tjetër materiale që nënkupton pa u mbështetur në ndonjë videoincizim, fotografi që përfshin rastet e krimeve të luftës, të kryerësit të veprës penale duke vrarë viktimës, e këso lloj provash nuk janë shfaqur deri më tani që janë provat më të fuqishme”, ka thënë Musa në Info Nata në Tëvë 1.
“Pastaj është edhe dëgjimi në cilësinë e dëshmitarit të palëve të dëmtuara, familjarëve të viktimave. Ata nuk kanë njohuri lidhur me rastin dhe më shumë shprehin anën shpirtërore të tyre, vuajtjet që kanë pësuar nga humbja e anëtarëve të familjes”, shtoi ai.
Musa shton se kishte mungesë të provave materiale teksa thotë se është e vështirë të provohet nëse një ushtri ka pasur strukturë të mirëfilltë komanduese.
“Prokuroria është pa që është ballafaqu me mungesë të provave materiale dhe i ka kushtu rëndësi më të madhe që UÇK-ja ka pasur hierarki institucionale dhe komanduese. Dhe në këtë pikë do të dëshiroj sepse edhe juristët më eminent të botës e kanë të vështirë ta vërtetojnë strukturën e hierarkisë dhe komandës. E njëjtë ka qenë edhe UÇK që nuk ka pasë një strukturë të organizuar mirë dhe komanduese dhe hierarki institucionale. Krerët e UÇK-së kanë qenë pjesë e Shtabit të Përgjitshëm, ajo ka qenë pjesë politike që është marrë me negociim dhe gjetjen e burimeve të ligjshme për furnizimin e luftës”, ka deklaruar Musa.