Sulmuesi Vedat Muriqi është një nga lojtarët më të rëndësishëm të Mallorcas. Por sulmuesi i Kosovës, po i mungon Mallorcas për shkak të lëndimit të këmbës së majtë. Megjithatë, te Mallorca kanë shpresë se Muriqi mund të kthehet më shpejtë se që ishte parashikuar. Kishte raportime se Muriqi mund të jetë jashtë fushës më shumë se tre javë.
Por, Mallorca të enjten ka publikuar një fotografi të Muriqit duke zhvilluar stërvitje individuale.
Muriqi edhe më herët gjatë këtij edicioni kishte pësuar një lëndim.
Megjithatë për ndeshjen e së shtunës, të Mallorcës kundër Leganes, sulmuesi dardan nuk pritet të paraqitet, pasi ende nuk është i gatshëm për ndeshje, sipas klubit.
30-vjeçari ka shënuar shtatë gola dhe ka asistuar dy herë.
