Sulmuesi Vedat Muriqi pritet të jetë i gatshëm për ndeshjen e radhës në La Liga, të cilën skuadra e Mallorcas e luan në udhëtim te Girona.
Reprezentuesi i Kosovës i ka munguar Mallorcas në tri ndeshjet e fundit për shkak të lëndimit muskulor kurse në klub po shpresojnë që ai do të jetë i gatshëm për duelin që luhet të hënën e ardhshme prej orës 21:00.
Mallorca është në krizë të rezultateve pasi ka marrë vetëm katër pikë në La Liga në pesë ndeshjet e fundit dhe zë vendin e 9-të në tabelë me 44 pikë.
Muriqi 31-vjeçar është lojtari kryesor i Mallorcas, ku ka shënuar 7 gola në 24 ndeshje kampionale këtë sezon dhe me ekipin spanjoll ka kontratë deri në verën e vitit 2027.
