Pasi mungoi ndaj Valencias, sulmuesi Vedat Muriqi mund të mungoj edhe në ndeshjen e këtij vikendi që Mallorca e luan në shtëpi.
Muriqi nuk u grumbullua kundër Valencias, ndeshje që Mallorca e humbi me rezultatin 1:0, të dielën mbrëma.
Nuk dihet nëse Muriqi do të jetë i gatshëm për duelin ndaj Celta Vigos që luhet të shtunën pasi nuk është e sigurt nëse do të rikuperohet për t’u ftuar nga trajneri Jagoba Arrasate.
Sulmuesi i Kosovës është lojtari kryesor te Mallorca dhe në klub po shpresojnë që ai të jetë i gatshëm për Celtan, duke pasur parasysh se deri në fund të sezonit kanë mbetur edhe nëntë xhiro.
30-vjeçari ka shënuar 7 gola dhe ka bërë 2 asistime në 23 paraqitje kampionale për Mallorcan, ekip me të cilin ka kontratë deri në vitin 2027.
