Sulmuesi i Kombëtares së Kosovës, Vedat Muriqi, ka kërkuar nga Mallorca t’ia rinovoj kontratën edhe për dy vjet të tjera.
Muriqi, i cili këtë muaj mbush 31 vjet, dëshiron të jetë pjesë e Mallorcas të paktën deri në moshën 35-vjeçare edhe pse kontrata aktuale i skadon në vitin 2027.
Vendimin për vazhdimin e kontratës duhet të marrë drejtoria sportive, udhëhequr nga Pablo Ortells.
Muriqi po kërkohet nga klube të ndryshme në Evropë, veçanërisht nga klubet e Turqisë, ku ka luajtur para se të transferohej në Lazio.
Disa klube janë duke përgatitur ofertë për kosovari, por tani për tani sulmuesi ka prioritet qëndrimin në Mallorca.
Muriqi i mungoi Mallorcas në humbjen 1:0 nga Valencia në fundjavë dhe mbetet të shihet nëse do të jetë i gatshë mpër duelin me Celta Vigon, të shtunën.
Muriqi është golashënuesi më i mirë i skuadrës me shtatë gola këtë sezon, ndërsa në total ka 35 gola që kur nisi të luajë për Mallorcan.
