Vedat Muriqi do ti prijë sulmit të Mallorcas në ndeshjen kundër Villarrealit, që i takon xhiros së 20-t të La Ligas spanjolle.
Kjo përballje, luhet sot prej orës 21:00 kurse sulmuesi “Dardan” do të jetë titullar te skuadra e Mallorcas.
Bëhet e ditur se Muriqi është plotësisht i gatshëm për lojë edhe pse javën e shkuar mungoi në disa stërvitje të ekipit për shkak të gjendjes gripale.
30-vjeçari ka tejkaluar këtë gjendje dhe tani është gati ta ndihmoj Mallorcan në duelin e vështirë kundër Villarrealit.
Si Villarreali që luan në shtëpi, ashtu edhe Mallorca, i kanë të tubuara nga 30 pikë pas 19-të ndeshjeve të luajtura dhe renditen në pozitat 5 e 6 në tabelë.
Muriqi, këtë sezon ka shënuar 3 gola dhe ka bërë 2 asistime në 14-të ndeshje të luajtura në kampionatin spanjoll.
Me duelin Villarreal – Mallorca, mbyllet xhiroja e 20-të e La Ligas kurse këtë përballje mund ta shikoni në platfmormën “Telkos”.
