Sulmuesi i Kosovës, Vedat Muriqi, është ndëshkuar sërish me karton të kuq në fitoren e Mallorcas.
Në kuadër të xhiros së 17-të në La Liga, Mallorca të shtunën në shtëpi shënoi fitore shumë të rëndësishme ndaj Gironas me rezultatin 2:1.
Muriqi fillimisht asistoi te goli i parë i Mallorcas.
Por në minutën e 32-të për shkak të një ndërhyrje të rrezikshme, arbitri kryesor i ndeshjes, Francesco Maeso, e përjashtoi Muriqin pas rishikimit të VAR-it.
Muriqi u ndëshkua me të kuq edhe ndaj Las Palmasit më 23 nëntor, për shkak të gjestit të pahijshëm.
30-vjeçari Muriqi në 14 ndeshje të luajtura këtë edicion ka kontribuar me tri gola dhe një asistim.
