Murati këto komente i bëri pasi u pyet për reagimet e qytetarëve që punojnë në sektorin privat në Kosovë, se nuk u janë ndarë nga 50 Euro, siç ka ndodh me ata të sektorit publik.
“Mbështetja, pako mbështetëse ne kemi pas qoftë për sektorin privat, qoftë sektorin publik. Qeveria e Kosovës është punëdhënësi, kur bëhet fjalë për rritje të pagave, paga rritet nga punëdhënësi dhe si qeveri ne i kemi subvencionuar për 3 muajt e parë me gjysmën e rritjes që ka ndodh. Në të kaluarën kemi pas masa mbështetëse të përnjëhershme, lehonat, studentët etj. nuk janë sektor publik, i kemi mbështet në vazhdimësi por rritje e pagave si e tillë, ndodh nga punëdhënësi. Ne kemi bërë thirrje që punëdhënësit në sektor privat t’i rrisin pagat dhe ne si Qeveri do ti mbështesim”, u shpreh Murati.
