Ministri në detyrë i Financave, Hekuran Murati nga radhët e Vetëvendosjes, ka thënë se Gjykata Kushtetuese në vendimin e saj për seancën konstituive i ka thënë ato qëndrimet që siç është shprehur Murati, VV i ka thënë edhe më herët.
Madje ai ka thënë se sipas këtij vendimi votimi i fshehtë lejohet dhe nuk e shkel Kushtetutën.
Gjykata Kushtetuese ka dhënë afat që brenda 30 dite nga sot të konstituohet Kuvendi. E Murati ka thënë se nuk ka nevojë të pritet aq gjatë, ai ka thënë se me votim të fshehtë që nesër kur është seanca e radhës mund të konstituohet Kuvendit.
“Votimi i fshehtë nuk e shkel Kushtetutën, pra lejohet. Të gjitha partitë duhet të angazhohen për të konstituuar Kuvendin, sidomos ato që propozojnë anëtarë në kryesi të Kuvendit. Të gjithë deputetët e kanë për obligim të marrin pjesë në votim. Këto i kemi thënë që nga dita e parë. Këto i paska thënë edhe Gjykata Kushtetuese. S’ka nevojë as 30 ditë të pritet. Që nesër mund të procedohet me votim të fshehtë, dhe kryhet kjo punë”, ka shkruar Murati.
