Ministri në detyrë i Financave, Hekuran Murati ka deklaruar se qëllimi i Vetëvendosjes nuk është që të shkojë në zgjedhje.
Sipas tij, ky vendim do të ishte opsioni i fundit për Lëvizjen Vetëvendosje.
“Duhet konsensus politik, dakordim politik i cili mund të arrihet kur të dakordohemi edhe për kandidatë e nënkryetarë. Nuk është qëllimi jonë të shkojmë në zgjedhje, ai do të ishte opsioni i fundit për neve”, ka deklaruar Murati.
Ndryshe, sot ka dështuar përsëri zgjedhja e kryetarit të Kuvendit të Kosovës.
E propozuara e LVV-së, Albulena Haxhiu as pas tentimit të pestë nuk ka arritur të marrë votat e mjaftueshme.
Ajo mori 57 vota për, 47 kundër 3 abstenime. Seanca është ndërprerë nga kryesuesi Avni Dehari, i cili ka njoftuar se seanca e radhës do të mbahet më 27 prill në ora 10:00./teve1.info/
