Ministri i Financave, Hkuran Murati, tha se kryetari i Prishtinës, përparim Rama, ka plasuar një gënjeshtër në publik, në tentativë sipas tij, për t’i marrë meritat e punëve të të tjerëve, raporton teve1.info
Sipas Muratit, Lojërat Mesdhetare janë punë e Qeverisë, derisa i ka kërkuar Ramës t’u tregoj qytetarëve se pse ky preket 80 milionë eurosh është bllokuar tash e një vit nga asambleja që Rama e drejton.
“Gënjeshtra më e fundit ka të bëjë me gjoja “sigurimin e lokacionit” nga ana e tij për projektin e Ngrohjes Solare.
Përparim, lokacioni është siguruar qysh në mars të vitit 2022. Shih postimin e Ministrit Aliu asokohe.
Si Ministri e Financave e kemi siguruar madje edhe financimin për këtë projekt.
Marrëveshjet për financim i kam nënshkruar qysh në dhjetor të vitit 2022, ku pjesa më e madhe, mbi 54 milionë euro, janë grante që kemi siguruar nga Qeveria e Gjermanisë dhe nga BE.
Në vend se të marrësh merita për punët që nuk janë tuat, bën mirë t’u tregosh qytetarëve të Prishtinës se pse pikërisht ky projekt me vlerë mbi 80 milionë euro është bllokuar qe gati një vit në Kuvend, për shkakun se LDK nuk e voton ratifikimin e marrëveshjes me BERZH”, ka shkruar ndër të tjera Murati në Facebook.
