Ministri i Financave, Hekuran Murtati ka thënë se Kuvendi i Kosovës është shpërndarë me dekret anti-kushtetues nga presidentja Vjosa Osmani.
Ai ka listuar një varë marrëveshje e ligje që do të mund të votoheshin në Kuvend, gjatë 60 ditëve ashtu siç parasheh Kushtetuta për zgjedhjen e presidentit, që fillon nga nisja e procedurës, që në Kuvendin e Kosovës ndodhi më 5 mars.
“Brenda 60 ditëve afat që parasheh Neni 82 i Kushtetutës, në Kuvend do të mund të votoheshin:
– Marrëveshjet ndërkombëtare: 121 milionë euro ishin të parapara të votoheshin vetëm në seancën e së premtes që lamë pas.- Ligjet që janë në pakon e Planit të Rritjes me BE-në – miratimi të cilave do të lironte një pjesë të mjeteve nga 882 milionë eurot e Planit të Rritjes. – Rishikimi i Buxhetit. – Ligje e reforma të tjera me rëndësi jetike. – Ndryshimet Kushtetuese që Presidenti të zgjidhet nga vota direkte, madje duke i përcjellë edhe afatet sipas rregullores së punës së Kuvendit. – Eventualisht edhe ndonjë emër konsensual për President, e ngërçi të zgjidhej pa pasoja për shtetin. Mirëpo në vend të këtyre, Kuvendi u shpërnda me dekret kundër-kushtetues, përmes të të cilit përfaqësuesve të popullit iu mohua e drejta të kryenin punën e tyre”, ka shkruar Murati në Facebook.
