Ministri i Financave, Hekuran Murati, ka reaguar për përleshjen e djeshme mes deputetëve në Kuvendin e Kosovës.
Murati, ka publikuar një fotografi në Facebook, ku ka shkruar se përmes saj tregohet nëse rasti i djeshëm ishte aksion simbolit e spontan i një deputeti, apo veprim i paramenduar e i planifikuar nga PDK.
“Se a ishte rasti i djeshëm vetëm aksion simbolik e spontan i një deputeti, apo veprim i paramenduar e i planifikuar nga PDK, e dëshmon fotoja më poshtë. Se kush kë e sulmoi, qytetarët e kanë parë në video. Shpresoj që edhe hetuesia e prokuroria të kenë parë videot e njëjta që panë qytetarët”, ka shkruar Murati.
Tutje, ministri ka ironizuar me deputetët, ku ka thënë se në bazë të deklaratave në studio krijohet përshtypja që deputetin e PDK-së, Mërgim Lushtakun e kanë sulmuar nga ulësja e qeverisë, e u vetëmbrojt te ulëset e saj.
“A, nëse i keni dëgjuar mbrëmë analistët nëpër studio dhe deputetët që më sulmuan, edhe mund të krijohet përshtypja se deputetin Lushtaku e sulmuam nga ulësja e qeverisë e ai u vetëmbrojt te ulëset e qeverisë. E me të parë Mërgimin teksa vetëmbrohej, Hajdar Beqa e Bekim Haxhiu u nisën nga fundi i sallës me vrap drejt nesh, që të vetëmbroheshin edhe ata”, ka shkruar ministri./teve1.info/
