Përmes një postimi në Facebook, Murati bëri të ditur se pagesa për këto skema do të bëhet të hënën nga kjo Ministri.
“Janë 164,388 fëmijë e 19,753 lehona që kanë pranuar shtesa që nga shtatori i vitit të kaluar e deri më sot. I patëm premtuar e po i paguajmë çdo muaj. Vetëm këtë muaj kemi 10,853 fëmijë që i janë shtuar skemës së shtesave për fëmijë e 1,992 gra skemës së shtesave për lehonat. Të hënën Ministria e Financave, Punës dhe Transfereve do të realizojë pagesat për këto dy skema”, thuhet ndër tjerash në njoftim.
Tutje, ministri tregoi se gjatë gushtit do të hapet aplikimi për shtesat për fëmijë edhe për një gjeneratë, për të gjithë fëmijët që kanë lindur në vitin 2013.
“Në muajin gusht do të hapim aplikimin për shtesat për fëmijë edhe për një gjeneratë, për të gjithë fëmijët që kanë lindur në vitin 2013. Kështu do të vazhdojmë deri në përmbushjen e plotë të premtimit për të përfshirë të gjithë fëmijët e Republikës deri në moshën 16 vjeçare në skemën e shtesave për fëmijë”, shkroi ndër tjerash ai./teve1.info/
