Ministri i Financave, Punës dhe Transfereve, Hekuran Murati, ka thënë se deficiti buxhetor është zvogëluar në nivel historik.
Ai ka publikuar një fotografi ku shihet se Deficiti i Përgjithshëm i buxhetit për vitin e kaluar ishte vetëm 46.1 milionë euro krahasuar me 512.7 milionë sa ishte më 2020.
“Jemi kujdesur që të mos shkaktojmë barrë të paqëndrueshme financiare e të mos rrisim borxhin publik, përkundër faktit që kishim pakot mbështetëse më voluminoze në rajon”, ka shkruar Murati.
