Stadiumi i Bayern Munichut do të jetë “nikoqir” i një tjetër finaleje të Ligës së Kampionëve. Në Munih luhet finalja në vitin 2028, ndërsa për finalen e vitit 2029 në garë janë “Wembley Stadium” i Londrës dhe shtëpia e Barcelonës, “Camp Nou”, e rinovuar së fundi.
UEFA konfirmoi të premten listën e ofertuesve për të qenë nikoqirë të ngjarjes më të madhe për klube në Evropë.
Ndërkohë, gjasat për një finale të Championsit në New York nuk ekzistojnë.
Munihu ishte nikoqir i finales së edicionit të kaluar, ndërsa Londra e organizoi finalen në vitin 2024.
Në Barcelonë nuk është zhvilluar asnjë finale e Ligës së Kampionëve që prej vitit 1999.
Finalja e Ligës së Kampionëve në këtë edicion do të luhet në “Pushkash Arena” në Budapest, ndërsa në vitin 2027 do të organizohet në “Wanda Metropolitano”, që është stadiumi i Atletico Madridit.
