Se ata ndodhen në Beograd tregoi kryekuvendari, Glauk Konjufca.
Gjatë kohës sa në Kuvendin e Kosovës po mbahej kjo seancë, deputetët e Listës Serbë, patën një takim në Beograd.
Këta u takuan me presidentin serb, Aleksandar Vuçiq.
Se çka u bisedua mes tyre, e tregoi vet kreu i Listës Serbe, Goran Rakiq.
“Po e përsërisë, rezistencë paqësore, demokratike dhe jo e dhunshme e popullit, mirëpo nuk e dimë se në çka do të shndërrohet nëse dikush tenton që në mënyrë të dhunshme ta marrë pronën tonë”, ka deklaruar Rakiq.
Por, ulëset në sallën plenare, nuk janë të vetmet e që po i lënë bosh në muajt e fundit deputetët e Listës serbe.
Për gjashtë muaj Komisioni për të Drejtat dhe Interesat e Komuniteteve dhe Kthim nuk ka arriti ta sigurojë kuorumin e nevojshëm
Shkak për këtë, u bën mungesat e 6 deputetëve serb të këtij komisioni.
“Fatkeqësisht si rezultat I mungesës së tyre dhe të kryetares që vjen nga radhët e tyre, ka 6 muaj që ky komision ka qenë jofunksional. Dje mezi kemi arritur ta krijojmë një kuorum të mjaftueshëm që disa ligje për sigurinë e vendit t’i shtyjmë përpara”, tha Shemsedin Dreshaj, deputet nga AAK-ja.
Ndërkohë deputeti i PDK-së, Elmi Reçica, thotë se mund të vështirësohet edhe më shumë situata, nëse nuk ka komunikim mes ekzekutivit dhe Listës Serbe.
“Ne jemi të vetëdijshëm që ndikimi i Beogradit të Lista Serbe është i fuqishëm, dhe nuk është hera e parë që është kështu, ka qenë edhe më herët. Qeveritë e tjera kanë pas një sens pak më ndryshe, kanë arritur që të komunikojnë dhe kanë arrit që të kenë një bashkëpunim minimal me deputetët dhe ministrat serb”, tha Reçica.
Përveç mungesës në seanca e komisione, ministri për komunitete dhe kthim nga Lista Serbe, Goran Rakiq, po mungon edhe në mbledhjet e Qeverisë së Kosovës.
Kronika e gazetarit Fidan Zejnullahu.
