“Benzema mund të ishte i disponueshëm të luante në fazën e 16-ave. Pse e ktheve kaq herët?”-këtë kërkon të dijë nga trajneri Deschamps, Karim Djaziri, agjenti i sulmuesit francez të Real Madridit.
Djaziri ka postuar në rrjetet sociale imazhin e rezonancës e cila zbulon gjendjen e dëmtimit të muskujve.
“E postova kështu, por fillimisht u konsultova me tre ortopedë, të gjithë më siguruan se Karim mund të jetë i disponueshëm nga raundi i 16-ave”-shkruan agjenti.
Disa medie kishin raportuar probleme mes qendërsulmuesit dhe trajnerit. Dhe jo çuditërisht, pas humbjes në finalen e Kupës së Botës, Benzema shpalli lamtumirën e tij me fanellën e “Les Bleus”.
