Një epokë do të përfundojë në verë te Bayern Muncheni. Sulmuesi Thomas Muller nuk do të jetë më pjesë e ekipit bavarez, shkruan “Kicker” të dielën.
Sipas gazetës së njohur gjermane, Bayerni dëshiron që ta mbajë 35-vjeçarin, por në rol tjetër dhe i mban të gjitha opsionet e hapura.
Muller ka pasur dëshirë të vazhdojë kontratën me Bayernin, por Max Eberl, drejtori sportiv i klubit, ka njoftuar përfaqësuesit e lojtarit ofanziv se ai më nuk është pjesë e planeve.
Mulleri ka 17 vjet që luan si profesionist dhe është legjendë e Bayernit. Ai e ka kaluar gjithë karrierën te Bayerni. Për Gjermaninë i ka luajtur 131 ndeshje dhe i ka shënuar 45 gola.
