Profesori, Basri Muja ka komentuar vendimet e Gjykatës Kushtetuese në lidhje me institucionet e Kosovës dhe çështjet e tjera të partive politike, duke theksuar se kjo Gjykatë nuk është konsistente.
Ai ka përmendur aktgjykimet e vitit të kaluar në lidhje me zgjedhjen e kryetarit të Kuvendit, duke thënë se nuk ka qenë e qartë vendimet për këtë çështje.
Sipas Mujës, Gjykata Kushtetuese është e dobët, e cila sipas tij, kalkulon politikisht duke prodhuar paqartësi në vendime të ndryshme.
Ndërkohë, profesori ka ftuar partitë politike që të gjejnë një konsensus mes veti dhe të sjellin emra të pranueshëm për president të Kosovës.
Derisa, ai shpreson që partitë politike të tejkalojnë egot e tyre dhe të prodhojnë institucione stabile, pasi siç tha ai është papërgjegjësi e madhe që vendi të shkojë në zgjedhje.
“Gjykata Kushtetuese nuk është konsistente, ne e kemi pasur rastin e vitit të kaluar për çështjen e parlamentit e ka shpallur nja katër aktgjykime për çështjen e njëjtë edhe në fund nuk është që kemi pasur shumë më të qartë rrjedhjen e zgjedhjes së kryetarit të parlamentit, nuk ka fuqi dhe s’ka guxim me marrë vendime të qarta dhe me qel rrugë, Gjykata e ka këtë detyrë, ne kemi një sistem politik goxha të ndërlikuar, Gjykatën e kemi të dobët, ajo kalkulon politikisht dhe këtu është problemi, ajo është Gjykatë politike, ajo është shumë kreative me prodhua paqartësi. Mendoj që me rëndësi është që partitë politike i kanë edhe 34 ditë, shpresoj që ato do t’i tejkalojnë egot e tyre dhe më në fund me prodhua institucione stabile, është papërgjegjësi e madhe me na dërgua në zgjedhje, i ftoj partitë politike që të sjellin emra të pranueshëm për president”, ka deklaruar profesori në emisionin “Ditari” në Tëvë1.
Ndryshe, Gjykata Kushtetuese e Kosovës ka shpallur të pavlefshëm dekretin e 6 marsit të Presidentes Vjosa Osmani për shpërndarjen e Kuvendit, duke kthyer procesin e zgjedhjes së Presidentit sërish në duart e deputetëve.
Sipas aktgjykimit, Kuvendi ka afat prej 34 ditësh për të zgjedhur Presidentin e ri. Në të kundërtën, legjislatura do të shpërndahet automatikisht dhe vendi do të shkojë në zgjedhje të parakohshme brenda 45 ditëve. /teve1.info/
