Sociologu, Artan Muhaxhiri për Tëvë 1 ka folur për Projekt-Kodin Civil i cili u diskutua në Kuvend por që nuk mori votat e nevojshme për miratim.
Duke folur për dështimin e miratimit të Projekt-Kodit Civil i cili parashihte lejimin e martesave mes gjinisë së njëjtë, sociologu Muhaxhiri ka thënë se niveli i debatit në Kuvend ishte shumë i ulët.
“Kishte shumë paragjykime, shumë stereotipe. Nuk ishte debat i vitit 2022, por ishte debat i viteve 1950- 19660, kur niveli i përgjithshëm kulturor dhe emancipimi ka qenë shumë i ulët”, ka vlerësuar Muhaxhiri.
Ai në emisionin “Ditari” me Flaka Zogun ka thënë se deputetët duhet të jenë të guximshëm dhe të marrin vendime jopopullore dhe që iu humbin vota, por që ndikojnë në emancipim të shoqërisë.
Më tej, Muhaxhiri ka kritikuar Lëvizjes Vetëvendosje, deputetët e së cilës paraqitën qëndrime të ndryshme sa i përket kësaj çështje.
“Kjo që ndodhi sot është një problem i madh për shumicën parlamentare, për Qeverinë, për kryeministrin Kurti posaçërisht pasi u pa që ai ka probleme të mëdha brenda grupt të tij parlamentar dhe një parti e majtë progresive siç thotë që është Lëvizja Vetëvendosje nuk guxon të ketë qarje kaq të madh, është një problem identitar me Lëvizjen Vetëvendosje dhe është koha që Kurti dhe kryeparlamentari Konjufca duhet të bisedojnë me grupin parlamentar për kahjen që synon ta ketë Vetëvendosje në Kuvend dhe në Qeveri, sepse nuk është në rregull që një parti e majtë që synon që t’i mbroj pakicat qofshin ato etnike apo pakica seksuale apo të ndonjë kategorie tjetër, të ketë këso përçarje”, ka vlerësuar Muhaxhiri.
Në fund, ai tha se Vetëvendosje ka probleme identitare dhe se më shumë duket si parti e djathtë sesa majtë. /teve1.info/
